იგულისხმება მოქმედი პირადობის მოწმობა (ID ბარათი) ან პასპორტი.

უძრავი ნივთის საკადასტრო მონაცემების/საზღვრების ამსახველი დოკუმენტი (ქაღალდი და მისი იდენტური ელექტრონული ვერსია) რომელსაც ქმნის ამზომველი თქვენი დაკვეთით. აღნიშნულ საქიანობაზე უფლებამოსილი პირები შეგიძლიათ იხილოთ მოცემულ ლინკზე.

მიღება-ჩაბარების აქტი გაფორმებული უნდა იყოს მიწის რეფორმის პერიოდში, ოჯახის ერთ-ერთ სრულწლოვან წევრზე. მიღება-ჩაბარების აქტი უნდა შეიცავდეს შემდეგ სავალდებულო მონაცემებს: მიღება-ჩაბარების აქტის ნომერს; გაცემის თარიღს; გაცემის საფუძველსა და თარიღს; მიწის რეფორმის კომისიის არანაკლებ ორი წევრის ხელმოწერა; მიღება-ჩაბარების აქტი დამოწმებულ უნდა იყოს ბეჭდით;

ე.წ. „შევარდნაძის მოწმობა“ გაიცემოდა საქართველოს პრეზიდენტის 16.05.99წ. №327 ბრძანებულების საფუძველზე. მოწმობა შეიცავს მესაკუთრის და შესაბამისი მიწის საიდენტიფიკაციო მონაცემებს.

ადგილობრივი თვითმმართველობის (მმართველობის) ორგანოების მიერ დამტკიცებული მიწის გადასახადის გადამხდელთა სია.

ივსებოდა სასოფლო საბჭოების აღმასრულებელი კომიტეტების მიერ თითოეულ კომლზე (ოჯახზე)  და ასახული იყო კომლის (ოჯახის) შემადგენლობა, თითოეული წევრის დაბადების თარიღი და კომლის ქონება.

მებაღეობის ამხანაგობის მიერ გაცემული მებაღის წიგნაკი, რომელშიც მითითებულია წიგნაკის გაცემის წელი, მებაღეობის დასახელება და მიწის ნაკვეთის ფართობი და რომელსაც აქვს მებაღეობის ამხანაგობის ბეჭედი.

„საქართველოს რესპუბლიკაში სასოფლო-სამეურნეო დანიშნულების მიწის რეფორმის შესახებ“ საქართველოს რესპუბლიკის მინისტრთა კაბინეტის 1992 წლის 18 იანვრის №48 დადგენილების შესაბამისად სოფლის (დაბის) ადგილობრივი მმართველობის ორგანოების გადაწყვეტილებით შექმნილი მიწის რეფორმის კომისიის მიერ შედგენილი და სოფლის (დაბის) ყრილობაზე (საერთო კრებაზე) დამტკიცებული მიწების განაწილების სია თანდართული მიწის გამოყოფის გეგმით ან მის გარეშე.

„ფიზიკური პირებისა და კერძო სამართლის იურიდიული პირების სარგებლობაში არსებული არასასოფლო-სამეურნეო დანიშნულების მიწის კერძო საკუთრებად გამოცხადების შესახებ“ საქართველოს კანონის ამოქმედებამდე დადგენილი წესით სახელმწიფო ან ადგილობრივი თვითმმართველობისა და მმართველობის ორგანოების მიერ გაცემული მიწის ნაკვეთის მიმაგრების აქტი.

„ფიზიკური პირებისა და კერძო სამართლის იურიდიული პირების სარგებლობაში არსებული არასასოფლო-სამეურნეო დანიშნულების მიწის კერძო საკუთრებად გამოცხადების შესახებ“ საქართველოს კანონის ამოქმედებამდე დადგენილი წესით სახელმწიფო ან ადგილობრივი თვითმმართველობისა და მმართველობის ორგანოების მიერ გაცემული მიწის ნაკვეთის გეგმა.